Художники – Гриневич С., Некрашевич А., Ильина В.
Скульптор – Гриневич М.
Дом збудаваны на старых падмурках калгаснай стайні (прыкладна 1950-1960 г.), ад якой захаваліся толькі бетонныя слупы.
З самага пачатку праектавання, з замоўцамi была дамова, што некалькі слупоў «Мусяць працягнуць жыццё» у будучым інтэр’еры, а астатнія застануцца «вартавымі» вакол сядзiбы, утвараючы «шэрую прастору». Зразумела, што ў каштоўнасці рэшткаў стайні ніхто не сумняваўся. Мінулае прыгожа ў любым стане. Так і атрымалася. Функцыянальна у інтэр’еры слупы выкарыстаны як падпора чорнай маналітнай лесвіцы і балкону.
Адзін з’явіўся таршэрам, а чацвёрты – падставай пад скульптуру. І ўсё закруцiлася вакол непрыкметных на першы погляд, вельмі фактурных «дзядоў»!
Інтэр’ер запраектаван з дзьвух прастор, аб’яднаных адным дахам. Прастора майстэрні добрасуседнічае з прасторай «штодзеннага жыцця». У апошняй усё проста! Тры пакойчыкі і адна агульная заля, якая ўсё аб’яднала і ўсё ўмесціла. Наўмысна былі пакінуты вялікія плошчы муроў для карцін.
Замоўленыя, яны паставілі акцэнты, дзе трэба! Творы мастацтва не спрачаюцца з прамакутнікамі вiтражоу, якія нібыта запрашаюць наваколле ў хату, здаляя мяжу паміж вонкавым і ўнутранным. Сюжэты твораў жывапісу падкрэсліваюць прастату існавання і чысціню думак. У бок ракі – абраз «Вады», у бок поля – «Каласкі», у прыбіральні – «Рыбы». І толькі «Унучок» паўсюль – сымбаль будучыні і спрадвечнага колу жыцця, надзея на працяг ладу ў сям’і.
Прастора майстэрні знаходзіцца праз дзвер! Адчыніўшы, трапляеш у «цуд”, дзе усе мары, разважанні, эмоцыі знаходзяць свой холст і нейкім чынам туды трапляюць. І далей жывуць на ім у выразе «Прыгажосці» альбо «мастацкай Падзеi». Матэрыалізаваныя фарбамі думкі і праяўленыя душой мастака халсты складаюцца ў «плынь сучаснасці», якая абавязкова дачакаецца сваіх гледачоў.
Гэтаму таінству прысвечана бялюткая вялікая прастора. Але, больш простая, каб думкам было дзе лётаць і нішто не замінала іх рух.
Дзве прасторы размауляюць i існуюць адначасова, пад адным дахам! Ладзяць «Цуд» і «Быт» штодзенна 24/7. А удзячныя слупы-«дзяды» назіраюць, дапамагаюць і ахоўваюць…
